Euskararen saltsa ezagutu nahi? Hutsetik abiatuko den euskara taldea izango da euskara saltsan; modu ludiko batean euskararen oinarrizko komunikaziorako baliabideak eskaintzea xede izango duena, euskararen saltsara gerturatzea alegia. Hala, astero ordubetez, oso oinarrizko esaldiak bareratu eta praktikan jarriko dituzte partaideek, giro eta gune informalean.
Bi talde sustatuko dira: hutsetik abiatzen direnak (hastapen maila), eta bat-bateko taldea (euskararen oinarrizko ezagutza dutenak).


IZEN EMATEA eta BERTAN BEHERA UZTEA

Jardueretan parte hartzeko ezinbestekoa da aldez aurretik izena ematea eta matrikula ordaintzea. Digitalki zailtasunak izanez gero, Faktoriara bertaratu eta harrera puntuan dagoenak lagunduko zaitu.

Ikastaroa hasi eta gero utzi nahi duenak Faktoriako Atelierren koordinatzaileari jakinarazi beharko dio hilabete bateko epearekin. Hala, izen-ematea eta ordainketa hurrengo hilabetean utziko da bertan behera. 


TALDEA OSATZEKO PARTAIDE KOPURUA

Taldea osatzeko 4 lagun behar dira, bestela ez da saiorik emango.

PARTAIDEAK ETA MUGA

Parte hartzeko 18 urtetik gora izan behar da.
Izen ematea toki kopurua baino gehiago bada, izen ematearen hurrenkera hartuko da aintzat (plaza konfirmatzean bideratuko da ordainketa, eta orduan bukatuko da izen-emate prozesua).

IKASTURTE OSOA

Saioa urritik maiatzera izango da, eta eskola egutegiaren arabera antolatuko dugu. Izena ematen duenak ikasturte guztian parte hartzeko konpromisoa hartzen du.


PREZIOA

Doako ekintza. Faktoriak euskararen arnasgune izateko erronkari erantzuteko sustatutako ekintza jarraia baita.
Izen-ematea beharrezkoa da atelierrerako beharrezko baliabideak eskaintzeko Aiaraldea Ekintzen Faktoriatik. Auzolanean kudeatutako ekintza izanik, edozein roletan (partaide zein dinamizatzaile moduan) aritzeko prest dauden guztiei luzatzen diegu atelier honetan apuntatzeko gonbita.

☎️ HARREMANETARAKO

Telefono zenbakia (Aritz): 693 85 53 12

Edo faktoria@aiaraldea.eus korreora mezua bidali.